Իրանի արտգործնախարարը չծրագրված այցով մեկնել է Թուրքիա
Իրանի արտգործնախարար Ալի Աքբար Սալեհին չծրագրված այցով այսօր մեկնելու է Անկարա:
Ինչպես տեղեկացնում է Hürriyet Daily News-ը, Սալեհին Թուրքիայում մի շարք բանակցություններ է վարելու:
Թուրքիայի արտգործնախարար Ահմեթ Դավութօղլուի հետ հանդիպման ընթացքում քննարկվելու է Մերձավոր Արևելքում տիրող իրավիճակը:
Ենթադրվում է, սակայն, որ Սալեհիի այցի հիմնական նպատակը Դամասկոսում առևանգված իրանցիներին ազատ արձակելու հարցում Դավութօղլուի միջնորդությունը խնդրելն է լինելու:
Հիշեցնենք, որ 48 իրանցի Դամասկոսում առևանգվել էին Սիրիայի ազատ բանակի կողմից և նրանք մեղադրվում են նախագահ Ասադին աջակցություն ցույց տալու և լրտեսության մեջ:
