Իրանի ԱԱԽ քարտուղարը Ասադի հետ բանակցելու համար ժամանում է Դամասկոս
Իրանի գերագույն ղեկավար ու հոգևոր առաջնորդ, Այաթոլլահ Ալի Խամենեիի ներկայացուցիչ, Իրանի Ազգային անվտանգության բարձրագույն խորհրդի գլխավոր քարտուղար Սայիդ Ջալիլին այսօր ժամանելու է Դամասկոս: Այս մասին տեղեկացնում է իրանական IRNA գործակալությունը:
Դամասկոսում նա հանդիպումներ է ունենալու Սիրիայի նախագահ Բաշար Ասադի ու սիրիական ղեկավարության այլ ներկայացուցիչների հետ: Նշվում է, որ այդ հանդիպումը պետք է տեղի ունենա առաջիկա ժամերին: Միևնույն ժամանակ, ոչինչ չի նշվում առաջիկա բանակցություններում քննարկվելիք հարցերի մասին:
