Նիգերիայի եկեղեցիներից մեկում 19 քրիստոնյայի են գնդակահարել
Նիգերիայի քաղաքներից մեկի կենտրոնում 19 մարդ է գնդակահարվել քրիստոնեական եկեղեցում, հայտնում է Washington Post-ը՝ վկայակոչելով այդ երկրի զինվորականների հայտարարությունը:
Զինված անձինք ներխուժել են Օտիտե քաղաքի եկեղեցի, որտեղ հավաքված են եղել հավատացյալները, և կրակ են բացել նրանց վրա, ապա թաքնվել են մոտակա թփերում:
Կան բազմաթիվ վիրավորներ:
Առայժմ ոչ ոք պատասխանատվություն չի ստանձնել կատարվածի համար, իսկ ոստիկանությունը հրաժարվում է հայտնել, թե ում է կասկածում:
Նիգերիայում եկեղեցիների վրա կատարված բազմաթիվ հարձակումների պատասխանատուն է եղել արմատական «Բոկո Հարամ» իսլամիստական ծայրահեղական խմբավորումը:
