Վրաստանում 2 օր իջեցված կմնան պետական դրոշները
Վրաստանի նախագահ Միխեիլ Սաակաշվիլիի հրամանով օգոստոսի 7-ին և 8-ին ողջ Վրաստանում իջեցվելու են պետական դրոշները: Այս մասին հայտնում է Грузия Online-ը՝ վկայակոչելով երկրի նախագահի աշխատակազմի մամլո ծառայությունը:
Պաշտոնական տվյալներով՝ 2008 թվականի օգոստոսյան հնգօրյա պատերազմի ժամանակ վրացական կողմը տվել է 413 սպանված, որոնցից 166-ը՝ զինվորական, 16-ը՝ ոստիկան, 220-ը՝ քաղաքացիական անձ, և 2234 վիրավոր:
Այսօր Թբիլիսիի Սուրբ Երրորդություն տաճարում կատարվելու է 2008 թվականի օգոստոսյան պատերազմի ժամանակ զոհվածների հոգեհանգստի արարողությունը:
