Մեղրիում վարազ ու նապաստակ սպանած որսագողի են բռնել
Հուլիսի 19-ին, ժամը 05.50-ին, ոստիկանության Մեղրիի բաժնի ծառայողները, որսագողություն կատարելու կասկածանքով, «ՎԱԶ-2121» մակնիշի ավտոմեքենայով բերման են ենթարկել 37-ամյա մի տղամարդու:
Ոստիկանության լրատվության վարչությունից հայտնում են, որ ավտոմեքենայի սրահից հայտնաբերվել է 16 մմ տրամաչափի երկփողանի որսորդական հրացան, ինքնաշեն եւ գործարանային արտադրության դանակներ: Սրահում հայտնաբերվել է նաեւ 10 կգ միս՝ նապաստակի եւ վարազի:
Ըստ բերման ենթարկվածի հայտարարության` վարազն ու նապաստակը ինքը որսացել է նույն օրը, ժամը 01.30-ի սահմաններում, Վանք-Մեղրի ճանապարհին:
Հայտնաբերվածն ուղարկվել է փորձաքննության:
Կատարվում է հետաքննություն:
