Կառավարությունը հաստատեց Արցախի Հանրապետությունը ճանաչելու մասին օրինագծի վերաբերյալ եզրակացությունը
ՀՀ Կառավարությունն այսօր իր նիստում ընդունեց «Արցախի Հանրապետությունը ճանաչելու մասին» օրենքի նախագիծը: Հիշեցնենք, որ օրինագիծը ներկայացրել են ԱԺ «Ժառանգություն» խմբակցության պատգամավոր Զարուհի Փոստանջյանը և ԱԺ ՀԱԿ խմբակցության պատգամավոր Հրանտ Բագրատյանը:
ՀՀ արտաքին գործերի նախարարի տեղակալ Շավարշ Քոչարյանը ներկայացրեց նախագիծը՝ նշելով. «Ըստ այդ եզրակացության՝ օրենքի նախագծի ընդունումը պայմանավորված է Հայաստանի և Արցախի միջև քննարկումների արդյունքներով՝ հաշվի առնելով հետագա զարգացումնրը, այդ թվում նաև արտաքին գործոնները»:
Նշենք, որ կառավարության պաշտոնական կայքէջում տեղադրված նախագծում նշվում է. «Հավանություն տալ «Արցախի Հանրապետությունը ճանաչելու մասին» ՀՀ օրենքի նախագծի վերաբերյալ ՀՀ կառավարության եզրակացության նախագծին և այն սահմանված կարգով ներկայացնել ՀՀ Ազգային ժողով»: