Դեկտեմբերի 12-ի առավոտյան 10.30-ից առ այս պահն ադրբեջանցիները փակել են Արցախը Հայաստանին կապող միակ ճանապարհը՝ Բերձորի միջանցքը, Արցախում 120 հազարից ավելի բնակչություն մնացել է շրջափակման մեջ։ Ճանապարհներին մնացել են հազարավոր մարդիկ, որոնք չեն կարողանում վերադառնալ իրենց տուն։ Բերձորի միջանցքից մի խումբ քաղաքացիներ այս պահին հաստատվել են Շուշիի շրջանի Մեծ Շեն, Հին Շեն, Լիսագոր, Եղցահող գյուղերում։
