Հայաստանի կենտրոնական բանկի խորհուրդը մայիսի 6-ի նիստում որոշել է անփոփոխ թողնել վերաֆինանսավորման գործող տոկոսադրույքը՝ 6.75 տոկոս։ Տեղեկությունը նաև լրագրողների հետ հանդիպման ժամանակ հանրայնացրեց Կենտրոնական բանկի նախագահ Մարտին Գալստյանը՝ որոշումը հիմնավորելով միջնաժամկետ հորիզոնում ներքին պահանջարկը կարգավորելու և գնաճը նպատակային ցուցանիշի շուրջ կայունացնելու հանգամանքով։
