Սեպտեմբերի 13-ին, երբ Ադրբեջանը մի քանի ուղղություններով հարձակվեց Հայաստանի վրա՝ Սյունիքի, Գեղարքունիքի և Վայոց ձորի մարզերի մի շարք գյուղեր, որոնք 44-օրյա պատերազմից հետո դարձել էին սահմանամերձ, ավելի վտանգավոր գոտում հայտնվեցին։ Այդ գյուղերից մեկն էլ Գեղարքունիքի մարզի Կախակն գյուղն է: Գտնվում է թշնամու զբաղեցրած դիրքերից ընդամենը 1,5 կմ հեռավորության վրա։ Չնայած պարբերական բնույթ կրող կրակոցներին, բնակիչները շարունակում են ապրել գյուղում։
