«Ադրբեջանում լավ գիտեն, որ ի դեմս Նիկոլ Փաշինյանի՝ նրանք Հայաստանում ունեն կամազուրկ և ոչ ադեկվատ ղեկավարություն, որից կորզվում է հնարավորինս ամեն բան, և վաղուց Հայաստանի օրակարգը թելադրվում է Ադրբեջանի և Թուրքիայի կողմից»,- 168TV-ի «Ռեվյու» հաղորդման ընթացքում ասաց ԱԺ «Հայաստան» խմբակցության պատգամավոր Լիլիթ Գալստյանը՝ խայտառակություն որակելով Ալիևի սպառնալիքներին ի պատասխան՝ Փաշինյանի տված հարցազրույցը:
Այդ շարքում առաջնային է Բաքվում մեկնարկած COP29 համաժողովը և Ալիևի ռազմատենչ հռետորիկայի նոր դրսևորումները, հատկապես՝ Հայաստանի էկոլոգիական անվտանգության թեմայով Ալիևի սպառնալիքները, բյուջետային քննարկումների ժամանակ Փաշինյանի հակապետական հայտարարությունները, և այլն։
