«Փաշինյանի իշխանությունը լուրջ նպատակներ ունի հայկական երկրորդ պետությունում». Հրանտ Մելիք-Շահնազարյան

Քաղաքագետ Հրանտ Մելիք-Շահնազարյանը ֆեյսբուքյան իր էջում գրում է. «Սամվել Բաբայանն ազատ արձակվեց։ Իսկ առավոտյան Ն. Փաշինյանին աջակցող տեղեկատվական ցանցերը Արցախի Հանրապետության ԱԺ պատգամավոր Հայկ Խանումյանի և «Ազգային վերածնունդ» կուսակցության նախաձեռնած՝ «Բակո, հեռացի՛ր» կարգախոսով անցկացվելիք հանրահավաքների անոնսն էին անում։ Արցախից ահագին մարդ է եկել Երևան, ուզում են այստեղ հասկանալ, թե իրենք «ոնց կարան օգտակար լինել իշխանափոխությանը» Արցախում։ Հիմա արդեն պարզ է, որ՝

ա) Փաշինյանի իշխանությունը լուրջ նպատակներ ունի հայկական երկրորդ պետությունում։ Եվ դա երևի թե տրամաբանական է։ Որովհետև պարզ է, որ Արցախն ինքն իրենով քաղաքական ուժի առանձին կենտրոն է, և Հայաստանում տոտալ իշխանության ձգտող Փաշինյանը չի կարող իր նպատակին հասնել, եթե Արցախում չլինի իր համար շատ վստահելի ղեկավար։