«Նա վերաստորագրեց». Տեր Շտեգենն ու Պիկեն կրկնել են հայտնի լուսանկարը
Կատալոնական «Բարսելոնայի» պաշտպան Ժերարդ Պիկեն թարմացրեց ակումբի հետ պայմանագիրը մինչև 2020 թվական:
Պայմանագրի ստորագրումից հետո կատալոնական ակումբի դարպասապահ Մարկ Անդրե տեր Շտեգենը լուսանկար է հրապարակել, որի մեկնաբանության բաժնում գրված էր՝ նա վերաստորագրեց: Լուսանկարում տեր Շտեգենն ու Պիկեն են: Ֆուտբոլիստները կրկնել են Պիկեի և Նեյմարի հայտնի նկարը, որը երկար քննարկվեց և մի շարք մեմեր ստեղծեց:
Հիշեցնենք, որ, երբ մարզական աշխարհը քննարկում էր՝ կմնա՞ Նեյմարը Կատալոնիայում, թե՞ կտեղափոխվի ֆրանսիական ՊՍԺ, Պիկեն, ում երկրպագուները համարում են ակումբի այլընտրանքային նախագահը, հրապարակել էր Նեյմարի հետ նկար և գրել՝ նա մնում է: Սակայն, վերջիվերջո, Նեյմարը տեղափոխվեց:
Տեղափոխությունից հետո ֆրանսիական ակումբի երկրպագուները կրում էին շապիկներ, որոնց վրա գրված էին Պիկեի խոսքերը:
Սիրարփի Աղաբաբյան
