Մառախուղը կազմալուծել էր Թբիլիսիի օդանավակայանի աշխատանքը
Թբիլիսիի միջազգային օդանավակայանը լույս հունվարի 8-ի գիշերը չի կարողացել ութ չվերթ ընդունել թանձր մառախուղի պատճառով: Այդ մասին Sputnik-ին հայտնել են օդանավակայանի մամուլի ծառայությունում:
Չեղարկել են Թբիլիսի-Ստամբուլ հինգ չվերթ եւ մեկական չվերթ Դուբայից, Մյունխենից ու Բաքվից: Այդ չվերթերը պետք է իրականացնեին Turkish Airlines, FluDubai, Pegasus, Lufthansa, Qatar ավիաընկերությունները:
Քանի որ ինքնաթիռները չեն կարողացել վայրէջք կատարել Թբիլիսիի օդանավակայանում, ուղեւորները Թբիլիսիից չեն մեկնել հակառակ ուղղությամբ: Թբիլիսիի ուղղությամբ չվերթները հետաձգվել են Թել Ավիվից, Մոսկվայից, Դոհայից, Կիեւից եւ Ուրումչիից:
Ներկայում օդանավակայանն աշխատանքը վերսկսել է սովորական ռեժիմով:
