Առնվազն 15 մարդ է զոհվել Թաիլանդում մոլեգնող հեղեղումներից
Առնվազն 15 մարդ է զոհվել նոյեմբերի 25-ից Թաիլանդի հարավում շարունակվող հեղեղումներից: Այդ մասին հայտնել են արտակարգ իրավիճակների կանխման եւ դրանց հետեւանքների մեղմացման տեղական դեպարտամենտում:
Չդադարող անձրեւների հետեւանքով հարավային մարզերի տարածքում ջուրն առանձին վայրերում բարձրացել է մինչեւ 1,5-2 մետր: «Հեղեղումից տուժել է ավելի քան 1,1 մլն մարդ, ավերվել են ճանապարհներ ու կամուրջներ, ողողվել են գյուղատնտեսական հանդակներ»,- հայտնել է դեպարտամենտի ղեկավար Չատչայ Պրոմլերտը: Տարերային աղետն առայժմ չի հասել թագավորության հիմնական առողջարաններ:
Բանակը ներգրավվել է աղետի գոտու բնակչությանն օգնություն ցուցաբերելու գործում: Օդերեւութաբանների կանխատեսման համաձայն՝ առաջիկա օերերին սպասվում է եղանակի վատացում, որը նոր տեղումներ կբերի տարածաշրջան, հաղորդել է ՏԱՍՍ-ը:
