Սամվել Բաբայանը դատապարտվեց 6 տարվա ազատազրկման

Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը Արցախի ՊԲ նախկին հրամանատար Սամվել Բաբայանին մեղավոր ճանաչեց։

Դատարանը քիչ առաջ հրապարակեց «Իգլայի» գորևծով կայացված դատավճիռը.

Սամվել Բաբայանը մեղավոր ճանաչվեց առաջադրված մեղադրանքում և դատապարտվեց 6 տարվա ազատազրկման։ Խափանման միջոց կալանավորումը թողնվեց անփոփոխ։ Սանասար Գաբրիելյանը դատապարտվեց 3 տարվա ազատազրկման։

Խափանման միջոց կալանավորումը թողնվեց անփոփոխ։ «Գիտեի»,- արձագանքեց Սանասար Գաբրիելյանը։ Արմեն Պողոսյանը դատապարտվեց 2 տարվա ազատազրկման։ Խափանման միջոց կալանավորումը թողնվեց անփոփոխ։ Կարեն Քոչարյան դատապարտվեց 2 տարի 6 ամիս ժամկետով ազատազրկման, պատիժը պայմանակորեն չկիրառվեց՝ նրա նկատմամբ սահմանելով հսկողություն 2 տարի ժամկետով։

Անդրանիկ Քոչարյանը դատապարտվեց 2 տարվա ազատազրկման, պատիժը պայմանակորեն չկիրառվեց՝ նրա նկատմամբ սահմանելով հսկողություն 2 տարի ժամկետով։

Ժորա Զաքարյանը դատապարտվեց 2 տարվա ազատազրկման, պատիժը պայմանակորեն չկիրառվեց՝ նրա նկատմամբ սահմանելով փորձաշրջան 2 տարի ժամկետով։

Դավիթ Հարությունյանը դատապարտվեց 2 տարվա ազատազրկման, պատիժը պայմանակորեն չկիրառվեց՝ նրա նկատմամբ սահմանելով փորձաշրջան 2 տարի ժամկետով։