Ջոն Թերրին համաձայնվել է տեղափոխվել «Ասթոն Վիլլա» և կստորագրի մեկամյա պայմանագիր
Ինչպես գրում է ESPN FC-ն, պաշտպան Ջոն Թերրին համաձայնվել է տեղափոխվել «Ասթոն Վիլլա»: 36-ամյա ֆուտբոլիստն իր որոշման մասին տեղեկացրել է մյուս ակումբներին, որոնք հետաքրքրություն էին ցուցաբերել իր նկատմամբ:
Հաղորդվում է, որ Թերրին «Ասթոն Վիլլայի» հետ կստորագրի 1 տարվա պայմանագիր: Անգլիացու տեղափոխությունը վերջնականապես պետք է ձևակերպվի առաջիկա օրերի ընթացքում:
2016-17թթ. մրցաշրջանի ավարտից հետո Ջոն Թերրին հեռացավ «Չելսիից»: Անգլիացու դեբյուտը լոնդոնցիների կազմում տեղի է ունեցել 1998թ. հոկտեմբերի 28-ին: Նա ակումբի կազմում անցկացրել է 713 խաղ, որոնցում դարձել է 66 գոլի հեղինակ:
Պատրաստեց Անի Գաբուզյանը
