«Ոստիկանները բոլոր քաղաքական ուժերի շտաբերի մոտ ուշադիր են». Վլադիմիր Գասպարյան
Երևանի 9/ 21 ընտրատեղամասում իր քաղաքացիական պարտքն է կատարել ՀՀ ոստիկանապետ Վլադիմիր Գասպարյանը: Քաղաքապետի նախընտրած թեկնածուի օգտին քվեարկելուց հետո լրագրողների հետ զրույցում Վլադիմիր Գասպարյանը նշել է, որ քվեարկել է հանուն կայունության:
Վլադիմիր Գասպարյանն անդրադարձավ նաև լրագրողների այն դիտարկմանը, թե ընդդիմադիր գործիչներն անհրաժեշտություն են համարում ՀՀԿ-ի շտաբի մոտ ոստիկանների կողմից հսկողություն սահմանելը:
«Ոստիկանները բոլոր քաղաքական ուժերի շտաբերի մոտ ուշադիր են` սկսած Հանրապետականից վերջացրած «Երկիր ծիրանի»-ով»,-ասաց Վլադիմիր Գասպարյանը:
