Հռոմի պապին հրավիրել են այցելել Հիրոսիմա
Հիրոսիմայի նահանգապետ Հիդեհիկո Յուձակին Հռոմի Ֆրանցիսկոս պապին հրավիրել է այցելել իր պրեֆեկտուրա, որտեղ գտնվում է համանուն քաղաքը, որը տուժել է 1945 թվականի ատոմային ռմբակոծությունից։
Յուձակին հույս է հայտնել, որ Հռոմի կաթոլիկ եկեղեցու ղեկավարի այցը ուղերձ կդառնա ամբողջ մարդկությանը միջուկային զենքից զերծ աշխարհ կառուցելու անհրաժեշտության մասին:
«Ես զգում եմ, որ Հիրոսիման եւ Վատիկանը միասնական են աշխարհը միջուկային զենքից ազատելու ձգտման մեջ, եւ դա ինձ ուժ է տալիս: Ես շատ եմ ցանկանում, որ պապը մոտ ապագայում այցելի մեր պրեֆեկտուրա»,-ճապոնացի լրագրողներին պատմել է նահանգապետը, որն այս շաբաթ այցելելել էր քաղաքպետություն եւ հանդիպում ունեցել Ֆրանցիսկոսի հետ:
Նրա խոսքով՝ ներկայում Վատիկանն ուսումնասիրում է նման ուղեւորության իրականացման հնարավոր ուղիները, որը, Յուձակիի համոզմամբ, պատմական կդառնա իր եւ Հիրոսիմայի ողջ բնակչության համար, հաղորդել էՏԱՍՍ-ը:
