Սիրիայում ԻՊ-ի քիմիական զենքի պահեստին կոալիցիայի հարվածից հարյուրավոր մարդիկ են զոհվել. SANA
Հարյուրավոր մարդկանց թունավորման է հանգեցրել ԱՄՆ-ի գլխավորած կոալիցիայի ռազմաօդային ուժերի հարվածը, որը հասցվել է Դեյր Էզ Զոր քաղաքի (Դամասկոսից 420 կիլոմետր հեռավորության վրա) մերձակա Ջալթայի շրջանում «Իսլամական պետություն» ահաբեկչական խմբավորման շտաբին ու պահեստին: Այդ մասին ասված է Սիրիայի ԶՈւ-ի հրամանատարության՝ SANA գործակալության կողմից տարածված հայտարարության մեջ:
Դրանում նշվում է, որ օդուժի հարձակումը տեղի է ունեցել ապրիլի 12-ին տեղական ժամանակով ժամը 17:30-ին: Դրա հետեւանքով ոչնչացվել են մեծ թվով ահաբեկիչներ, այդ թվում՝ օտարերկրացի վարձկաններ:
«Սակայն ռմբակոծությունից հետո պահեստի վրա դեղին ծուխ է բարձրացել: Դա վկայում է այն մասին, որ այնտեղ պահվում էին թունավոր նյութերի պաշարներ, նշվում է փաստաթղթում: Գրոհի հետեւանքով թունավորումից զոհվել են հարյուրափոր մարդիկ, այդ թվում՝ խաղաղ բնակիչներ»:
«Այդ միջադեպը կրկին հաստատում է, որ ահաբեկչական կազմակերպություններն ունեն քիմիական զենքի պաշարներ, նրանք հնարավորություն ունեն այն ստանալ, պահել եւ օգտագործել հայտնի տարածաշրջանային պետությունների աջակցության շնորհիվ»,ընդգծվում է փաստաթղթում, հաղորդել է ՏԱՍՍ-ը:
