Կիևում «Եվրատեսիլ-2017»-ի եզրափակիչի բոլոր տոմսերը վաճառված են
«Եվրատեսիլ-2017» երգի միջազգային մրցույթի երեք եզրափակիչ շոուների բոլոր տոմսերը Կիեւում արդեն վաճառված են: Այդ մասին վկայում են Сoncert.ua տոմսերի վաճառքի պաշտոնական ծառայության տվյալները:
Մայիսի 12-ին տեղի է ունենալու մրցույթի մասնակիցների ելույթը ժյուրիի առջեւ,մայիսի 13-ին անցկացվելու է եզրափակիչ փորձը եւ նույն օրը կայանալու է «Եվրատեսիլ-2017»-ի եզրափակիչի ուղիղ հեռարձակումը: Հենց այս շոուների տոմսերն արդեն չեն վաճառում: Ներկայում վաճառքում մնացել են կիսաեզրափակիչների ուղիղ եթերների, ինչպես նաեւ դրանց փորձերի տոմսերը, բայց միայն ֆանգոտիում: Ուղիղ եթերի տոմսի արժեքը կազմում է 1199 գրիվնա (44,4 դոլար), իսկ փորձինը՝ 299 գրիվնա (11,1 դոլար):
«Եվրատեսիլ-2017» երգի միջազգային մրցույթի եզրափակիչի տոմսերը վաճառքում ստացվել էին ապրիլի 10-ին: Ընդամենն առաջարկվել է 70 հազար տոմս: Ավելի վաղ Concert.uaի ներկայացուցիչը ՏԱՍՍ-ին հայտնել էր, որ ամենաէժան տումսերն արժեն 8 եվրո եւ հնարավորություն են տալիս այցելել փորձերին, ամենաթանկը՝ 500 եվրո արժողությամբ, եզրափակիչ շոուի տոմսերն են:
Եզրափակիչի ամենաէժան տոմսը, ելնելով վաճառքների ծառայության տեղեկատվությունից, արժե 1999 գրիվնա (70 եվրո): Մինչդեռ, ինչպես հայտնել է Concert.uaի տնօրեն Դմիտրի Չինը, «Եվրատեսիլ»-ի տոմսերի արժեքը սեւ շուկայում հասնում է 40 հազար գրիվնայի (1403 եվրո), ինչը նախնական գինը գերազանցում է 35 անգամ:
«Եվրատեսիլ-2017»-ի կիսաեզրափակիչներն Ուկրաինայի մայրաքաղաքում անցկացվելու են մայիսի 9-ին եւ 11-ին, եզրափակիչը՝ մայիսի 13-ին: Գլխավոր արենան կդառնա Միջազգային ցուցահանդեսային կենտրոնը:
