Նոր Զելանդիայի իշխանությունները մի ամբողջ քաղաք են տարահանել սաստիկ հեղեղման պատճառով
Նոր Զելանդիայի իշխանություններն Էջքամբ քաղաքի բոլոր բնակիչներին տարահանել են սաստիկ հեղեղման պատճառով, հաղորդում է BBC հեռուստառադիոկորպորացիան:
Զանգվածային լրատվամիջոցների տվյալներով՝ հեղեղման պատճառով հարկադրված են եղել իրենց տները լքել հազարավոր մարդիկ: Այն առաջացել է «Դեբի» ցիկլոնի հետեւանքով, որը մեկ շաբաթ առաջ մոլեգնել էր Ավստրալիայում: Զանգվածային լրատվամիջոցների տվյալներով՝ քաղաքում ջուրը բարձրացել է երկու մետրով: Ոստիկանությունը որոնում է մեկ անհայտ կորածի:
Տեղական իշխանությունները հայտարարել են, որ նման համաղետներ պատահում են 500 տարին մեկ անգամ, հաղորդել է ՌԻԱ Նովոստին:
