Քաթարը Խորխե Սամպաոլիին առաջարկել է գլխավորել հավաքականը
«Սևիլիայի» գլխավոր մարզիչը Քաթարի հավաքականը գլխավորելու առաջարկություն է ստացել: 57-ամյա մասնագետին խոստացել են շահավետ ֆինանսական պայմաններ և 14 օգնական, որոնցից մեկը կդառնա Խավին, ով հանդես է գալիս Քաթարի «Ալ Սադ» թիմում:
Ինչպես հաղորդում է Marca-ն, Սամպաոլին առաջարկությանը դեռ չի պատասխանել:
Սամպաոլիի գլխավորությամբ «Սևիլիան» 58 միավորով Լա Լիգայում զբաղեցնում է 4-րդ տեղը:
Խավին «Ալ Սադում» անցկացրած 24 խաղերում դարձել է 9 գոլի հեղինակ: 2022թ. Աշխարհի առաջնությունը տեղի կունենա Քաթարում:
Պատրաստեց Անի Գաբուզյանը
