Կենդանակերպի 5 ամենազգացմունքային նշանները
Մարդկանց մի մասը սիրում են արտահայտել իրենց զգացմունքները, մյուսները դա ավելորդ զգացմունքայնության արտահայտում են համարում։ Marketium.ru կայքը գրում է, որ ոչ ոք այսքան էմոցիոնալ չէ, որքան կենդանակերպի այս նշանները։
• Խոյ։ Սիրում են կյանքը։ Իրենց շրջապատում են մարդկանցով, ովքեր կիսում են իրենց հետաքրքրությունները։ Կարող են մարդկանց վարակել իրենց էներգիայով և խարիզմով։ Միևնույն ժամանակ, նրանք ցուցադրում են բոլոր բացասական էմոցիաները, երբ գոհացած չեն։ Ագրեսիվ, կոպիտ և բորբոքված են լինում։
• Խեցգետին։ Ամենազգացմունքային նշաններից է։ Հաճախ են օգտագործում իրենց զգացմունքայնությունը և սիրում են, երբ մտերիմներն ու ընկերները կիսում են իրենց ցավը։ Երբեմն նրանց հետ շատ դժվար է լինում, քանի որ կարող են նեղանալ նույնիսկ ամենաանմեղ քայլերից և արտահայտություններից։ Մյուս կողմից՝ միշտ կգտնեն անհրաժեշտ բառերը՝ մյուսներին մխիթարելու համար, երբ դրա անհրաժեշտությունը լինի։
• Կույս։ Խորասուզված են իրենց մտքերում։ Սիրում են մտածել, թե ինչ են զգում, ինչու և ինչպես է դա տեղի ունենում։ Ամաչկոտությունը չի խանգարում նրանց արտահայտել զգացմունքները։ Քննադատաբար են մոտենում իրենց, և, եթե ինչ-որ բան այն չի լինում, հաճախ են մտահոգվում։ Օգնելու կպչուն մտքի փոխարեն՝ ավելի լավ է հանգիստ թողնել նրանց։ Մտածելով իրենց կյանքի մասին՝ նրանք սովորաբար հանգստանում են և կրկին հավասարակշռված ու ռացիոնալ դառնում։
• Կարիճ։ Չեն կարողանում չարտահայտել էմոցիաները՝ լինեն դրական թե բացասական։ Ամբողջությամբ տրվում են իրենց զգացմունքներին՝ շրջապատին վարակելով էնտուզիազմով։ Սակայն հակված չեն շրջապատից թաքցնել բացասական էմոցիաները։ Այդ պատճառով էլ հարկավոր է շատ զգույշ լինել ագրեսիվ տրամադրված Կարիճի հետ։
• Աղեղնավոր։ Միշտ լավատեսորեն են նայում կյանքին, hարազատներին ու մտերիմներին դրական էմոցիաներ են հաղորդում։ Նրանց լավատեսությունն ու հավատը լավագույնին՝ վարակիչ են։ Լի են էներգիայով և հավատում են, որ կյանքից պետք է ստանալ առավելագույնը։ Տանել չեն կարողանում, երբ չեն կիսում իրենց տեսակետը։ Հավատացած են, որ պետք է դուր գան բոլորին, իսկ երբ դա չի ստացվում, փորձում են անել ամեն ինչ՝ կոպիտ և աննրբանկատ երևալու համար։ Զայրացած կամ անտրամադիր Աղեղնավորն այնքան էլ լավ զուգընկեր չի։ Նրանք կարողանում են հեշտությամբ բարձրացնել իրենց տրամադրությունը սիրելի զբաղմունքների միջոցով։
Նյութը հրապարակման պատրաստեց 168.am-ը
