Աբովյան փողոցից բերման է ենթարկվել 39-ամյա կինը. նա հետախուզվում էր
Ոստիկանության քրեական հետախուզության գլխավոր վարչության և Մարաշի բաժանմունքի ծառայողները նոյեմբերի 30-ին, ժամը 16.45-ին, Երևանի Աբովյան փողոցի թիվ 48 հասցեի մոտից բերման են ենթարկել 1977 թ. ծնված Սուսաննա Թ.-ին, որը նոյեմբերի 17-ից հետախուզվում էր ՀՀ քրեական օրենսգրքի 324 հոդվածի (փաստաթղթեր, դրոշմներ, կնիքներ հափշտակելը կամ վնասելը) 2-րդ մասի մեղադրանքով: Այս մասին հայտնում են ՀՀ ոստիկանությունից։
