Ֆյուրիի ախտորոշումը հաստատվեց
Գերծանր քաշային կարգի IBF/WBO/WBA/IBO վարկածներով աշխարհի նախկին չեմպիոն Թայսոն Ֆյուրին ռինգ դուրս չի գա մինչև 2017թ. փետրվար:
«Թայսոն Ֆյուրին ներկայացրել է զեկույց իր հոգեբանի կողմից: Նա հաստատել է բռնցքամարտիկի ախտորոշումը և նշել է, որ Թայսոնը չի լինի այնպիսի մարզավիճակում, որ կարողանա ռինգ դուրս գալ մինչև 2017թ. փետրվար»,- ասվում է WBA-ի պաշտոնական հաղորդագրության մեջ:
Նշվում է նաև, որ այն բանից հետո, երբ բրիտանացի բռնցքամարտիկը կկարողանա նորից ելույթ ունենալ, նրան անմիջապես կընդգրկեն WBA-ի վարկանիշում:
Պատրաստեց Անի Գաբուզյանը
