Եվրոպայի Սուպերգավաթակիրը Արքայական ակումբն է

Նորվեգիայի Տրոնհեյմ քաղաքում Եվրոպայի Սուպերգավաթը վիճարկեցին Չեմպիոնների լիգայի գավաթակիր «Ռեալն» ու Եվրոպայի լիգայի գավաթակիր «Սևիլիան»: Խաղի հիմնական ժամանակից հետո հաշիվը հավասար էր՝ 2:2:

Իսպանական դիմակայության առաջին խաղակեսն ավարտվեց ոչ ոքի՝ 1:1 հաշվով: Հանդիպման հաշիվը 21-րդ րոպեին բացեց Արքայական ակումբի 20-ամյա կիսապաշտպան Մարկո Ասենսիոն: Ընդմիջումից 4 րոպե առաջ հաշվի մեջ հավասարություն մտցրեց Ֆրանկո Վասկեսը:

Ընդմիջումից հետո «Ռեալի» ավագ Սերխիո Ռամոսը սեփական տուգանային հրապարակում խախտեց կանոնները և փոխարինման դուրս եկած Եվգենի Կոնոպլյանկան հստակ իրացրեց 11 մետրանոց հարվածը: Ավելացված երրորդ րոպեին Սերխիո Ռամոսը վերականգնեց հավասարությունը: Խաղը տեղափոխվեց լրացուցիչ ժամանակ:

Լրացուցիչ ժամանակում Կարվախալի ֆանտաստիկ գոլի շնորհիվ Զինեդին Զիդանի գլխավորած թիմը կարողացավ հաղթանակի հասնել և խուսափել 11 մետրանոց հարվածաշարից:

Տրոնհեյմ, Նորվեգիա

Եվրոպայի Սուպերգավաթ

«Ռեալ Մադրիդ» – «Սևիլիա»՝ 3:2 (2:2՝ հիմնական ժամանակ)

Մարկո Ասենսիո, 21, Սերխիո Ռամոս, 90+3 – Ֆրանկո Վասկես, 41, Եվգենի Կոնոպլյանկա, 72, 11մ, Դանիել Կարվախալ, 120