«Եվրոպան առանց Անկարայի չի կարող». Էրդողան
Թուրքիայի նախագահ Ռեջեփ Թայիփ Էրդողանը կանխատեսում է ԵՄ-ի վերջը և կարծում է, որ Եվրոպան առանց Անկարայի չի կարող: Այս մասին հաղորդում է «Российская газета»-ը: Նրա կանխատեսմամբ՝ մոտ ապագայում ևս մի քանի երկրներ ցանկություն կհայտնեն դուրս գալ Եվրամիությունից` հետևելով Մեծ Բրիտանիայի օրինակին:
Էրդողանի կարծիքով, Եվրոպայի փրկությունը կարող էր լինել Անկարայի հետ միությունը, որը Եվրոպան չի շտապում կյանքի կոչել: Էրդողանը գտնում է, որ դրա պատճառը եվրոպացիների աղաղակող իսլամաֆոբիան է: Ըստ նրա` այսօր Թուրքիան կմտածի՝ արդյո՞ք պետք է իրեն Եվրամիությունը, և հնարավոր է` այս թեմայով անցկացնի իր հանրաքվեն:
«Ֆրանսիայի արտաքին գործերի նախարարն ինձ ասել է, որ Եվրամիությունը չի ընդունի Թուրքիային, որովհետև այն մուսուլմանական է: Մենք դա գիտենք, բայց մենք նույնպես մարդ ենք: Եվ այդ ինչպե՞ս մեզ ընդունեցին ՆԱՏՕ: Նա պատասխանել է, որ երևի թե սխալվել են»,- ասել է Էրդողանը:
