Բրիտանիայում կոչ է արվում երկրորդ անգամ հանրաքվե անցկացնել
Մեծ Բրիտանիայում երեկ կայացած հանրաքվեում երկրի՝ Եվրամիության կազմում մնալու կողմնակիցները, որոնք կազմում են ընտրողների 48 տոկոսը, չեն դադարում պայքարել ու կոչ են անում երկրորդ անգամ հանրաքվե անցկացնել, գրում է Independent-ը:
Այսօր Բրիտանիայի խորհրդարանի էլեկտրոնային էջում բացվել է երկրորդ անգամ հանրաքվե անցկացնելու հայցապահանջի էջ, որին մի քանի րոպեում միացել են տասնյակ հազարավոր մարդիկ:
Դրա հեղինակները կոչ են անում երկրի կառավարությանը կիրառել այն կանոնը, ըստ որի՝ եթե հանրաքվեին մասնակիցների թիվը չի գերազանցում 75%-ը, որի նվազագույնը 60%-ը չի քվեարկել Եվրամիությունից դուրս գալու կամ կազմում մնալու օգտին, ապա հանրաքվեն պետք է երկրորդ անգամ անցկացվի:
Եթե դիմում-պահանջը ստորագրի 100 հազար մարդ, ապա երկրի խորհրդարանը պետք է այն քննի:
Հանրաքվեի ժամանակ բրիտանացիների 51.9 տոկոսը (17,410,742 ընտրող) քվեարկեց ԵՄ-ից երկրի դուրս գալու օգտին, 48.1 տոկոսը՝ մնալու օգտին (16,141,241 ընտրող):
