«Միցուբիշի»-ում առանց համապատասխան փաստաթղթերի հրացան է հայտնաբերվել
Ոստիկանության Գեղարքունիքի մարզային վարչության և Վարդենիսի բաժնի ծառայողների կողմից Վարդենիս-Սոթք ճանապարհին կանգնեցվել է «Միցուբիշի» մակնիշի ավտոմեքենան, որի վարորդը` 1982 թ. ծնված Արթուր Մ.-ն, ոստիկանների պահանջով բացել է ավտոմեքենայի բեռնախցիկը, որտեղ դրված է եղել առանց համապատասխան փաստաթղթերի «ՄՑ-2001» տիպի, 20 մմ տրամաչափի, մեկփողանի, ողորկափող որսորդական հրացան:
Կատարվում է հետաքննություն:
