«Երբ մեղսակիցն ընդունում է իր մեղքը, իսկ բուն հանցագործություն կատարողը ժխտում է, դա արդեն դառնում է առնվազն տարօրինակ». Շավարշ Քոչարյան
Գերմանիայի Բունդեստագի կողմից Հայոց ցեղասպանության ճանաչումը չափազանց կարևոր է: Այս մասին այսօր կառավարության նիստի ավարտից հետո լրագրողների հետ զրույցում ասաց ՀՀ արտաքին գործերի նախարարի տեղակալ Շավարշ Քոչարյանը:
«Կարևոր է այն հանգամանքով, որ Գերմանիան ինքն ընդունեց, որ հանդիսացել է մեղսակից՝ ըստ էության, այդ հանցագործության: Եվ այդ պարագայում, երբ մեղսակիցն ընդունում է իր մեղքը, իսկ բուն հանցագործություն կատարողը ժխտում է, դա արդեն դառնում է առնվազն տարօրինակ»,- ասաց նախարարի տեղակալը:
