Զինյալները գնդակոծել են Հալեպի շուկան, սպանվել են խաղաղ բնակիչներ
«Ջաբհաթ ալ-Նուսրա» ահաբեկչական խմբավորման անդամները գնդակոծել են Հալեպ քաղաքի Մեյդան շրջանի շուկան, ինչի հետևանքով սպանվել է 5 մարդ, ավելի քան 50 մարդ վիրավորվել է: Այս մասին RIA Novosti-ին հայտնել է Սիրիայում հակամարտ կողմերի հաշտեցման ռուսական կենտրոնի ներկայացուցիչը:
Նախնական տվյալներով՝ զինյալները կրակի տակ են վերցրել շուկան պայթուցիկով լի գազային բալոններով, ինչի հետևանքով վնասվել է 2 տասնյակ բնակելի տուն: Կենտրոնի ներկայացուցչի խոսքով՝ դա առաջին դեպքը չէ, երբ զինյալները դիտավորյալ հարված են հասցնում քաղաքի մարդաշատ վայրերին:
Բացի այդ՝ արմատականները շարունակում են գնդակոծել Ֆուաա քաղաքը (Իդլիբ նահանգ) և Արդ-էլ-Վաթ և Ռաշա բնակավայրերը, որոնք գտնվում են Լաթաքիա նահանգում:
«Ջաբհաթ ալ-Նուսրան» հարձակումներ է իրականացրել նաև Սիրիայի կառավարական զորքերի անցակետերի վրա մի շարք նահանգներում:
