ԱՄՆ-ը արգելափակել է ահաբեկչական կազմակերպությունների՝ 37,6 մլրդ դոլարի ակտիվներ
Միացյալ Նահանգներն, օգտագործելով ֆինանսական պատժամիջոցների լծակը, 2015 թվականին արգելափակել է ահաբեկչական կազմակերպությունների՝ 37,6 միլիարդ դոլարի ակտիվներ, ինչը 30 տոկոսով ավելի է, քան 2014 թվականին: Այս մասին ասված է ԱՄՆ-ի ֆինանսների նախարարության զեկույցում, որը հրապարակվել է հունիսի 6-ին:
Ըստ ֆինանսների նախարարության՝ կազմակերպությունների եւ քաղաքացիների ամենից շատ ակտիվներ՝ 14,1 միլիարդ դոլարի, արգելափակվել է «Իսլամական պետություն» ահաբեկչական կազմակերպության հետ կապերի պատճառով: Երկրորդ տեղում են այն ֆիզիկական եւ իրավական անձանց ակտիվները, որոնք աջակցություն են ցույց տվել «Ալ Քաիդային»՝ ավելի քան 13 միլիարդ դոլար: Երրորդ տեղում են «Հըզբոլլահ» կազմակերպության հետ կապված ակտիվները՝ 8,2 միլիարդ դոլար, հաղորդել է ՌԻԱ Նովոստին:
