«Ուզում ենք, որպեսզի Իտալիան հպարտանա իր հավաքականով». Անտոնիո Կոնտե
Իտալիայի հավաքականի գլխավոր մարզիչ Անտոնիո Կոնտեն կիսվել է Ֆրանսիայում կայանալիք Եվրոպայի առաջնության սպասումներով:
«Իտալիան չի հաղթել Եվրոպայի առաջնությունը 1968 թվականից, մենք հասկանում ենք, թե ինչքան դժվար են մեզ տրվում ելույթներն այս մրցաշարում: Մենք կաշխատենք հաջորդական քայլեր անել առաջնության ժամանակ: Սկզբում պետք է դուրս գալ խմբից, իսկ արդեն դրանից հետո՝ նայել առաջ:
Ուզում ենք զարմացնել Իտալիային, անել այնպես, որպեսզի երկիրը հպարտանա մեզանով: Ոչ ոք չի կարող արգելել մեզ երազել, երազանքները մեր կյանքի մի մասն են»,- Կոնտեի խոսքերն է մեջբերում Football Italia-ն:
Պատրաստեց Անի Գաբուզյանը
