Ադրբեջանի ռազմածովային ուժերը զորավարժություններ են անցկացրել Կասպից ծովում
Ապրիլի 25-27-ը Ադրբեջանի ռազմածովային ուժերն անցկացրել են հրամանատարա-շտաբային զորավարժություններ, տեղեկացնում է haqqin.az-ը՝ հղում կատարելով Ադրբեջանի պաշտպանության նախարարության մամուլի ծառայությանը:
Զորավարժությունների ժամանակ մշակվել են ռազմական գործողությունների գոտում էներգետիկ ենթակառուցվածքների պահպանման, տարբեր մակարդակների շտաբների միջև գործողությունների կոորդինացիա ապահովելու, ահաբեկչական և դիվերսիոն խմբերի դեմ պայքարի համատեղ իրականացման, ինչպես նաև Ադրբեջանի ռազմածովային ուժերի ռազմանավերի գործունեության պլանավորման հարցեր:
