Արտաշատ քաղաքի Իսակովի փողոցում վթար է տեղի ունեցել. կան տուժածներ
Ապրիլի 3-ին, ժամը 11.59-ին ահազանգ է ստացվել, որ Արարատի մարզի Արտաշատ քաղաքի Իսակովի փողոցում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Իսակովի փողոցի թիվ 99դ հասցեի մոտակայքում բախվել են «Օպել Վեկտրա A» մակնիշի 34 TS 575 (վարորդ` 1958 թ. ծնված Ս. Ս.) և «Օպել Վեկտրա B» մակնիշի 34 FM 029 (վարորդ` 1990 թ. ծնված Կ. Մ.) պետհամարանիշներով ավտոմեքենաները: Մինչ փրկարարների կանչի վայր հասնելը՝ վարորդները հոսպիտալացվել են Արտաշատի, այնուհետև՝ «Էրեբունի» ԲԿ: Բժիշկները տուժածների առողջական վիճակը գնահատել են կայուն ծանր:
Փրկարարները հոսանքազրկել են ավտոմեքենաները, փակել գազի բալոնների փականները և իրականացրել ճանապարհի լվացման աշխատանքներ:
