Մինչ պայթյունները Բրյուսելի օդանավակայանում հրաձգության ձայներ են լսվել ու արաբերենով բղավոցներ. ԶԼՄ-ներ

Բելգիայի դատախազությունը հաստատել է, որ Բրյուսելի միջազգային օդանավակայանում որոտացել են պայթյուններ, սակայն դեռ չի հաստատում ահաբեկչության փաստը, գրում է Politico թերթը:

«Դաշնային դատախազը հաստատել է, որ պայթյունները տեղի են ունեցել, սակայն դեռ չի կարող հաստատել, որ դա եղել է ահաբեկչություն»,- նշում է պարբերականը՝ ընդգծելով, որ դեռ այս պահին հայտնի չէ, թե ինչն է դարձել պայթյունների պատճառը:

Belga գործակալությունը հայտնում է, որ մինչ պայթյունները Բրյուսելի օդանավակայանում հրաձգության ձայներ են լսվել ու արաբերենով բղավոցներ են հնչել: Գործակալության հաղորդմամբ՝ Բելգիայի դաշնային ոստիկանությունը հաստատել է 1 մարդու մահվան փաստը պայթյունների հետևանքով, միևնույն ժամանակ, ԶԼՄ-ները հայտնում են 17 մարդու սպանության մասին:

https://www.youtube.com/watch?v=fr_YPwHC8Io

https://www.youtube.com/watch?v=iwrQlJ-zJzY