Թիվ 13 երթուղու միկրոավտոբուսի սրահում գողություն է կատարվել
Հոկտեմբերի 9-ին, ժամը 11.55-ին, ոստիկանության Երևան քաղաքի վարչության օպերատիվ կառավարման կենտրոնից Կենտրոնականի բաժնում հաղորդում է ստացվել, որ իրենց է զանգահարել 1984 թ. ծնված Քնարիկ Խ.-ն և հայտնել, որ թիվ 13 երթուղու միկրոավտոբուսի սրահում պայուսակից գողացել են դրամապանակը, որի մեջ եղել է գումար, բանկային, զեղչի և սոցիալական քարտեր:
Հոկտեմբերի 22-ին ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները, գողություն կատարելու կասկածանքով, Երևանի Սայաթ-Նովա և Ալ. Մանուկյան փողոցների խաչմերուկից բերման են ենթարկել 1975 թ. ծնված Արարատ Բ.-ին, ով տվել է խոստովանական բացատրություն:
Կատարվում է քննություն:
