Հենրիխ Մխիթարյանը թիմի հետ Բաքու չի մեկնել
Դորտմունդի «Բորուսիան» Եվրոպա լիգայի խմբային փուլի 3-րդ տուրի շրջանակում «Գաբալայի» հետ մրցելու համար մեկնել է Բաքու: Հայաստանի հավաքականի կիսապաշտպան Հենրիխ Մխիթարյանը, սակայն, թիմի հետ չի մեկնել: Հիշեցնենք, որ «Գաբալա»-«Բորուսիա» հանդիպումը տեղի կունենա վաղը` հոկտեմբերի 22-ին:
Օդանավակայանում լրագրողների հետ զրույցում գերմանական ակումբի գործադիր տնօրեն Հանս Յուահիմ Վատցկեն ասել է. «Մենք զրուցել ենք Մխիթարյանի հետ եւ եկել ենք այն եզրակացության, որ բոլորի համար ավելի լավ կլինի, եթե նա բաց թողնի այս խաղը»:
