3D printer-ը՝ «ԴիջիԹեք-2015»-ում
«ԴիջիԹեք-2015»-ում, ինչպես միշտ, ներկայացվեցին նաև նաև IT ոլորտի (start-up) նորաստեղծ ընկերությունները։ Գորիսում բացված նորաստեղծ «ՕգմենթԱր» ընկերությունն ինտեգրված է Տեղեկատվական տեխնոլոգիաների (ՏՏ) զարգացման կրթական ծրագրերում և արտադրում է եռաչափ տպիչներ (3D printer), մշակում կրթաարդյունաբերական որոշ գործիքներ, որոնք զարգացնում են երեխաների տրամաբանությունը, ինժեներական մտածողությունը։
«ԴիջիԹեք-2015»-ում ներկայացված «ՕգմենթԱր» ընկերության եռաչափ տպիչը մեծ հետաքրքրություն էր առաջացրել այցելուների շրջանում, որոնք տեսնում էին, թե ինչպես է Եռաչափ տպիչը հենց ցուցահանդեսի ընթացքում պլաստմասսե իրեր տպում։
