«Ռաուլը շնորհավորեց ինձ. Վստահ եմ, որ նա նույնպես երջանիկ է իմ ռեկորդի համար». Ռոնալդու
Պորտուգալացին Չեմպիոնների լիգայի խմբային փուլի երկրորդ տուրի խաղում կատարած դուբլի շնորհիվ դարձավ «Ռեալի» պատմության լավագույն ռմբարկուն:
Ռոնալդուի գոլերը դարձան 500-ը և 501-ը՝ կարիերայում, և 323-ը և 324-ը՝ «Ռեալում»: Դրա հետ մեկտեղ, նա դարձավ մադրիդցիների պատմության լավագույն ռմբարկուն` անցնելով Ռաուլից (323 գնդակ):
«Ես շատ ուրախ եմ դրա համար և ցանկանում եմ շնորհակալություն հայտնել ակումբակիցներիցս, որոնք օգնեցին ինձ հասնել ռեկորդին: Աշխարհի լավագույն թիմի ռեկորդակրի կոչումը մեծ պատիվ է ինձ համար:
Ես հիանում եմ Ռաուլով: Խաղից հետո նա ինձ շնորհավորական հաղորդագրություն էր ուղարկել: Ես վստահ եմ, որ նա նույնպես երջանիկ է, որովհետև անկեղծ հայտարարեց ինձ, որ իմ ռեկորդը հոյակապ է»,- ասել է Ռոնալդուն:
Հարձակվողը հանդես է գալիս «Ռեալի» կազմում 2009-ից:
Պատրաստեց Անի Գաբուզյանը
