Խորվաթիան արգելել է սերբերին իր երկիր մուտք գործել
Խորվաթիան արգելել է Սերբիայի քաղաքացիներին ու սերբական մարդատար ավտոմեքենաներին երկիր մուտք գործել, հայտնում է Reuters-ը:
«Սերբական անձնագրերով անձինք ու Սերբիայում գրանցված մեքենաների տերերը չեն կարող մուտք գործել Խորվաթիա մինչև համապատասխան հրամանի արձակումը», հայտարարել է Բայակովոյում անցակետերից մեկի ոստիկանության աշխատակիցը:
Խորվաթիան ավելի վաղ արգելել էր իր երկիր մուտք գործել Սերբիայից ժամանող բեռնատար մեքենաներին:
Ավելի վաղ հաղորդվում էր, որ Սերբիան արգելել է Խորվաթիայից եկող բեռնատարներին մուտք գործել երկիր՝ ի պատասխան բլոկադայի:
