Պաշտոնական. Վիդալը «Բավարիայի» ֆուտբոլիստ է
«Բավարիայի» պաշտոնական կայքը հայտնում է, որ Թուրինի «Յուվենթուսի» և Չիլիի հավաքականի կիսապաշտպան Արթուրո Վիդալը կարիերան կշարունակի Մյունհենի «Բավարիայում»: Ֆուտբոլիստը գերմանական ակումբի հետ ստորագրել է պայմանագիր մինչև 2019 թվականը:
«Ես շատ ուրախ եմ, քանի որ սա նոր քայլ է իմ կարիերայում: Իմ երազանքը կատարվեց: Ես ցանկանում եմ տիտղոսներ նվաճել «Բավարիայի» հետ և դրա համար նախադրյալներ եմ տեսնում այստեղ»,- ասել է Վիդալը:
Մյունհենյան ակումբում Վիդալը կկրի 23 համարի մարզաշապիկը:
Վիդալի տրանսֆերի համար «Բավարիան» «Յուվենթուսին» վճարել է 37 միլիոն եվրո:
Սիրարփի Աղաբաբյան
