«Մանչեսթեր Յունայթեդը» պատրաստ է «Սաութհեմփթոնի» ֆուտբոլիստ Մորգան Շնայդերլինի համար վճարել 35 մլն եվրո
«Մանչեսթեր Յունայթեդը» պատրաստվում է փոխել գործարքի պայմաններն այն բանից հետո, երբ 28 մլն առաջարկը «Սաութհեմփթոնը» մերժեց:
Լուի Վան Գալը ցանկանում է ձեռք բերել կիսապաշտպանին մինչև հուլիսի կեսը: «Սաութհեմփթոնը» հույս ունի վաճառել Շնայդերլինին 42 մլն եվրոյով, սակայն «Մանչեսթեր Յունայթեդը» չի ցանկանում վճարել 35 մլն եվրոյից ավելի. հայտնում է The Guardian-ը:
Անգլիայի Պրեմիեր լիգայի 2014-2015 թթ. մրցաշրջանում Շնայդերլինն անցկացրել է 26 խաղ և խփել է 4 գնդակ:
2014 թ. ամառվանից ֆուտբոլիստով հետաքրքրված են «Արսենալը» և «Մանչեսթեր Յունայթեդը», ընդ որում, The Mirror-ը հայտնում է, որ կիսապաշտպանը հակված է «Արսենալ» տեղափոխվելուն:
Պատրաստեց Անի Գաբուզյանը
