Որքան է Արամայիս Գրիգորյանի ընտանիքի ունեցվածքը. «ՀԺ»
«Հայկական ժամանակ» թերթը գրում է. «Բնապահպանության նախարար Արամայիս Գրիգորյանը 2014 թվականի տարեկան հայտարարագրում գրառել է 960 մլն դրամ, 776 հազար ամերիկյան դոլար եւ 300 հազար ռուսական ռուբլի: Ընդհանուրը՝ մոտ 2,8 մլն դոլար:
Հայտնի է, որ Արամայիս Գրիգորյանի ընտանիքը սեփականատերն է Ավշարի գինու գործարանի, եւ նախարարը նախորդ տարի մոտ 40 մլն դրամի չափով եկամուտ է ստացել որպես շահաբաժին: 41,4 մլն դրամ հայտարարագրում ձեւակերպված է որպես այլ եկամուտ, իսկ 4,5 մլն դրամ՝ աշխատավարձ:
2014-ին ստանձնելով բնապահպանության նախարարի պաշտոնը՝ Արամայիս Գրիգորյանը հայտարարագրել է մեծ թվով անշարժ գույք՝ երկու բնակարան, մեկ առանձնատուն, երկու շինություն, որից մեկը հասարակական նշանակության, մեկ հողամաս եւ բազմամյատնկի: Գրիգորյանը հայտարարագրել է նաեւ երեք մարդատար մեքենա եւ մեկ բեռնատար ավտոմեքենա, երեք բաժնետոմս»:
Առավել մանրամասն՝ թերթի այսօրվա համարում
