Պորոշենկոն ՊՆ-ին արգելել է հրապարակել զենքի մատակարարումների մասին պայմանագրերի մանրամասները
Ուկրաինական UNIAN լրատվական գործակալության փոխանցմամբ՝ Ուկրաինայի նախագահ Պյոտր Պորոշենկոն ՊՆ-ին արգելել է հրապարակել բանակի վերաբերյալ ստորագրված պայմանագրերի դետալները:
Պորոշենկոն այդ մասին հայտարարել է զորահրամանատարների հետ հանդիպման ժամանակ՝ դա փաստարկելով լրագրողների ներկայությամբ: Պորոշենկոյի խոսքերով՝ այդ տեղեկատվությունից կարող է օգտվել թշնամին: Պորոշենկոն կանգնեցրել է պաշտպանության նախարար Ստեպան Պոլտորակին, ով պատրաստվել է պատասխանել զենքի մատակարարումների վերաբերյալ հարցին.
«Մեզ մոտ՝ այստեղ, աշխատում են տեսախցիկները: Ես չեմ պատրաստվում հաշվետվություն ներկայացնել թշնամու ու ագրեսորի առջև այն մասին, թե ում հետ և ինչպիսի պայմանագրեր են ստորագրվել: Կարող եմ միայն ասել, որ այսօրվա դրությամբ ստորագրվել է պայմանագրերի 70 տոկոսը, որոնց պլանավորել էինք ստորագրել ողջ տարում»:
