Մարգվելաշվիլին մայիսին չի մեկնի Մոսկվա
![](https://168.am/wp-content/uploads/2015/01/Margvelashvili-Saakashvili-khvatit-igrat-v-politiku.jpg)
Новости-Грузия լրատվական գործակալության փոխանցմամբ՝ Վրաստանի նախագահ Գեորգի Մարգվելաշվիլին ներկա չի գտնվի ֆաշիզմի դեմ տարած Հաղթանակի 70-ամյակին նվիրված զորահադեսին, որը մայիսի 9-ին անցկացվելու է Մոսկվայում:
Այս մասին երեկ հայտարարել է Վրաստանի արտգործնախարար Թամար Բերուչաշվիլին. «Վրաստանի նախագահը մայիսի 9-ի հրավեր է ստացել, սակայն որքանով տեղյակ եմ, նա ներկա չի գտնվի այնտեղ»:
Ավելի վաղ Հաղթանակի 70-ամյակի կապակցությամբ Մոսկվա մեկնելուց հրաժարվել են Լեհաստանի, Լատվիայի, Լիտվայի, Էստոնիայի, ԱՄՆ-ի նախագահները, Գերմանիայի կանցլերը, Մեծ Բրիտանիայի վարչապետը: Ֆրանսիայի նախագահի այցը հարցականի տակ է: