Ռուսաստանի, Ղազախստանի ու Բելառուսի նախագահների հանդիպումը տեղի կունենա մարտին
Новости-Казахстан լրատվական գործակալության փոխանցմամբ՝ Ռուսաստանի, Ղազախստանի ու Բելառուսի նախագահների հանդիպումը, որը պլանավորվել էր այս շաբաթ և հետաձգվել է, տեղի է ունենալու մարտին: Այս մասին հայտարարել է Ղազախստանում Բելառուսի դեսպանատան մամլո քարտուղար Վադիմ Սվերչկովը.
«Հանդիպումը չեղյալ չի հայտարարվել, այն հետաձգվել է: Հանդիպումը տեղի կունենա մարտին»: Նախօրեին Ռուսաստանի նախագահի մամլո քարտուղար Դմիտրի Պեսկովը հաստատել էր, որ Ռուսաստանի, Ղազախստանի ու Բելառուսի նախագահների հանդիպումը հետաձգվել է:
Նա հերքել էր, որ դրա պատճառը Պուտինի ինքնազգացողության վատթարացումն է: Ավելի վաղ հաղորդվել էր, որ Պուտինը Ղազախստանի նախագահ Նուրսուլթան Նազարբաևի հրավերով մարտի 12-13-ին մեկնելու է Աստանա, ուր հանդիպելու է Նազարբաևի ու Բելառուսի նախագահ Ալեքսանդր Լուկաշենկոյի հետ:
