Սաուդյան Արաբիան սպառազինության ներկրման ցուցանիշով դարձել է համաշխարհային առաջատար
ZN.UA-ի փոխանցմամբ՝ Սաուդյան Արաբիան դարձել է սպառազինության ներկրման համաշխարհային առաջատար: Այս մասին է վկայում ամերիկյան IHS ընկերության հետազոտությունը: Այդպիսով, Սաուդյան Արաբիան նախորդ տարի գերազանցել է Հնդկաստանին, ով տվյալ ոլորտի առաջատար է դարձել 2013 թվականին:
Չինաստանը հինգերորդ հորիզոնականից բարձրացել է մինչև երրորդ հորիզոնական: Միևնույն ժամանակ զենքի առաջատար արտահանողը շարունակում է մնալ ԱՄՆ-ը, ինչպես նաև Ռուսաստանն ու Ֆրանսիան:
Փորձագետներն աշխարհում ռազմական ծախսերի մեծացումը բացատրում են զարգացող երկրների ռազմական ավիացիայի համար գնումներով և Մերձավոր Արևելքում ու Ասիա-խաղաղօվկիանոսյան տարածաշրջանում (ԱԽՏ) տիրող անկայուն իրավիճակով:
