«Նորմանդական քառյակի» արտգործնախարարները պայմանավորվել են հանդիպելու մասին
Ուկրաինական UNIAN լրատվական գործակալության փոխանցմամբ` Ուկրաինայի արտգործնախարար Պավել Կլիմկինը, Ռուսաստանի արտգործնախարար Սերգեյ Լավրովը, Գերմանիայի արտգործնախարար Ֆրանկ Վալտեր Շտայնմայերը, Ֆրանսիայի արտգործնախարար Լորան Ֆաբիուսը հեռախոսով քննարկել են Ուկրաինայի հարավ-արևելքում հակամարտության կարգավորման ուղղությամբ գործնական քայլերը:
Այս մասին հայտնել է ՌԴ ԱԳՆ-ի մամլո ծառայությունը: Արտաքին քաղաքական գերատեսչությունների ղեկավարները պայմանավորվել են առաջարկներ մշակել շփման խմբի համար: Բացի այդ, նրանք պայմանավորվել են, որ մոտ ժամանակներս անցկացվելու է «նորմանդական քառյակի» արտգործնախարարների հանդիպում:
