Մենք լուրջ բանակցություններ ենք ակնկալում Իլհամ Ալիևի հետ. Ուորլիք
ԵԱՀԿ Մինսկի խմբի ամերիկացի համանախագահ Ջեյմս Ուորլիքը Twitter-ի իր միկրոբլոգում գրել է, որ իրենք լուրջ բանակցություններ են ակնկալում Ադրբեջանի նախագահի ու պաշտոնատար այլ անձանց հետո՝ կապված Ղարաբաղյան հակամարտության խաղաղ կարգավորմանն ուղղված քայլեր ձեռնարկելու հետ:
Ուորլիքը հավելել է, որ դա օգտակար կլինի բոլորի համար: Սրանից առաջ հաղորդվել է, որ ԵԱՀԿ Մինսկի խմբի համանախագահները ժամանել են Բաքու, որտեղից վաղը կմեկնեն Երևան, ապա՝ Ստեփանակերտ:
